Die Rally-Raid Dagboek | Podcast on RSS.com

Die Rally-Raid Dagboek

Die Rally-Raid Dagboek

by Izaac Beytell & Stompie Mynhardt

Automotive Sports

Episode 9 - Jannie Visser (Deel 1 van 2)

In hierdie episode gesels ons met een van die legendes van Suid-Afrikaanse rally-raid: Jannie Visser – voormalige nasionale kampioen en steunpilaar van die Barberspan Motor Klub. Jannie neem ons saam op 'n nostalgiese reis deur die sport se geskiedenis en deel fassinerende stories oor hoe dit alles begin het: Die ontwikkeling van baan-modderwedrenne by Syringa Park tot by Barberspan, en die oorgang na veldwedrenne weens brandstofbeperkings Die groot bydrae van die Wes-Transvaal-motor-klubs tot die sport se groei Die ikoniese Barberspan 500 – Suid-Afrika se oudste rally-raid-wedren Die vroeë dae se kreatiewe roetebeplanning (en hoekom kunsmissakke in bome onmisbaar was!) Hoe die Wêreld Rally-Raid Kampioenskappe in 2025 van die legendariese Barberspan-roetes gebruik gemaak het Die Visser-familie se diep en voortgesette betrokkenheid by die sport Name wat in Episode 9 genoem word (in volgorde van verskyning): Chris Visser, Mof Visser, Richard Schilling, Bodo Bertholdt, Franz Czepek, Hennie Reyneke, Apie Reyneke, Rudi Muller, Hannes Grobler, Buks Carolin en Andries Visser. ’n Nuwe episode van “Die Rally-Raid Dagboek” verskyn elke Donderdag! Luister gerus op Apple Podcasts, Spotify, YouTube, of jou gunsteling potgooi platform.🔥

Episode 8 - Kassie Coetzee (Deel 2 van 2)

In hierdie episode gesels ons verder met die legendariese Kassie Coetzee — een van Suid-Afrika se motorsport legendes. Oom Kassie deel openhartig oor: ’n Koppie tee op ‘n skinkbord in die middel van nêrens Die ongeluk wat hom ’n nasionale kampioenskap gekos het Die goue era van Suid-Afrikaanse motorsport en die blywende vriendskappe Sy uittrede uit motorsport Sy dogter, Elvéne Coetzee-Vonk se fantastiese loopbaan as top-navigator Sy indrukke van die huidige rally-raid-wêreld Die soektog na “Fred” — die spesiale Toyota Hilux Sy blywende liefde vir die sport, ten spyte van siguitdagings Name wat in Episode 8 genoem word (in volgorde van verskyning): Richard Leeke, “Fred” die Toyota Hilux, Hannes Grobler, Wiley Harrington, Loftus, Etienne Malherbe, Buks Carolin, Richard Schilling, Sarel van der Merwe, Elvéne Coetzee-Vonk, Leeroy Poulter, Hendrik Verwoerd, Luan Coetzee, Jayden Els, Kobus Roos, Hannes Visser, Waldo van der Waal, Jannie Visser, Derick Pinnoy en Klaus Degener. Die Rally-Raid Dagboek verskyn elke Donderdag en is beskikbaar op: Apple Podcasts | Spotify | YouTube of jou gunsteling potgooi-platform.

Episode 7 - Kassie Coetzee (Deel 1 van 2)

In hierdie episode gesels ons met die legendariese Kassie Coetzee – een van Suid-Afrika se grootste motorsport-ikone. Oom Kassie deel openhartig en met baie humor sy merkwaardige loopbaan, van sy vroegste dae tot die hoogtepunte agter die stuur. In hierdie episode hoor jy onder meer: Sy avontuurlike beginjare in tydrenne saam met lewenslange vriende Hoe Hannes Grobler hom genooi het om in ’n prototipe Nissan Skyline te jaag Die oorgang na Rally-Raid saam met die Castrol Toyota Fabriekspan Die legendariese “Fred” – die gewilde en gewillige Toyota Hilux – en hoe hulle saam ’n wenmasjien geword het Hoe renjaers ontwikkel: “Jy kan óf jy kan nie” en die 4 sleutelbestanddele vir sukses in motorsport Spesiale herinneringe aan epiese wedrenne soos die Roof of Africa en Woestyn Wedren Name wat in Episode 7 genoem word (in volgorde van eerste verwysing): Tommy Fraser, Jan Hettema, Willem van Heerden, Hannes Grobler, Chris de Wit, Wiley Harrington, Sarel van der Merwe, Richard Leeke, Philip Malan, “Fred” die Toyota Hilux, Apie Reyneke, Robin Houghton, Carlos Sainz, Ari Vatanen, Sebastian Loeb, Nasser al-Attiyah, Colin McRae, Henk Lategan, Guy Botterill, Thelma Reyneke, Ockie Fourie, Buks Carolin, Klaus Degener, Franz Cepek, Richard Schilling, Cliff Barker, Van Scheur, Giniel de Villiers, Fouche Blignaut, Vic Deiner, Ivor Peltz, Franz Boshoff en Piet Swanepoel. Luister elke Donderdag na ‘n nuwe episode van “Die Rally-Raid Dagboek” beskikbaar op: Apple Podcasts | Spotify | YouTube | of jou gunsteling potgooi-platform. Soek eenvoudig vir “Die Rally-Raid Dagboek” en geniet die episode!

Episode 6 - Richard Schilling (Deel 2 van 2)

In hierdie episode gesels ons verder met Richard Schilling – een van Suid-Afrika se mees invloedryke motorsportfigure. Van suksesvolle deelnemer tot legendariese administrateur en bouer van die sport. Richard was onder andere: Hoof van Rally-Raid by Motorsport Suid-Afrika (MSA) President en later Ere-President van MSA Stigterslid en eerste Hoof Uitvoerende Beampte van die South African Rally Raid Championship (SARRC) President van die FIA se Cross Country Rally Commission Rally-Raid in Suid-Afrika pluk vandag nog die vrugte van sy reuse impak – plaaslik én internasionaal. In die tweede helfte van ons gesprek vertel Richard openhartig oor: Sy oorgang van kompeterende mededinger na motorsport administrasie Waarom motorsport soos ’n professionele besigheid bestuur moet word vir volhoubaarheid Jean Todt se uitnodiging om op die FIA se Cross Country Rally Commission te dien – en hoe die “lelike eendjie” van die FIA in ’n mooi swaan verander het Die bemiddeling tussen die Dakar-organiseerders en die FIA, wat uiteindelik gelei het tot die totstandkoming van die World Rally-Raid Championship (W2RC) Uitdagings met voertuig-ekwivalensie en die belangrikheid van tegniese reëls Onvergeetlike poetse en stories van stoute deelnemers ...en ja, wat is die kans dat die motorfietsryer wat skielik voor hulle tot stilstand kom tydens die Dakar in Argentinië, toe niemand anders is as Brett Cummings! Name wat in die episode genoem word: John Salters, Glyn Hall, Piet Swanepoel, Hannes Grobler, Giniel de Villiers, Jean Todt, Xavier, Neil Mwenye, Henk Lategan, Robin Yates, Buks Carolin, Klaus Degener en Brett Cummings.

Episode 5 - Richard Schilling (Deel 1 van 2)

In hierdie episode gesels ons met Richard Schilling – een van Suid-Afrika se mees invloedryke motorsport figure. Van suksesvolle deelnemer tot legendariese administrateur en bouer van die sport. Richard was onder andere: Hoof van Rally-Raid by Motorsport Suid-Afrika (MSA) President en later Ere-President van MSA Stigterslid en eerste Hoof Uitvoerende Beampte van die South African Rally Raid Championship (SARRC) President van die FIA se Cross Country Rally Commission Rally-Raid in Suid-Afrika dra vandag nog die vrugte van sy reuse impak – plaaslik én internasionaal. In die eerste helfte van ons gesprek vertel Richard openhartig oor: Sy begin jare in die sport tydens die uitdagende Roof of Africa wedren Hoekom Volkswagen Kewers so gewild was in veldwedrenne (in Suid-Afrika én Amerika) Die groei van die sport in Suid-Afrika en die oorskakeling van die Amerikaanse na die Europese / Dakar-benadering Sy deelname aan Baja-wedrenne in Amerika en Mexiko, waarvoor hy later met Protea-kleure vereer is Toyota en Castrol se slim bemarkingstrategieë met veldwedrenne en epiese wedren herinneringe Name wat in Episode 5 genoem word: Jurgen Hartel, Chris Visser Snr, Mof Visser, Andre Kock, John Salters, Buks Carolin, Klaus Degener, Rick Scalzer, Hannes Grobler, Apie Reyneke, Philip Malan, Giniel de Villiers, Richard Leeke, Fred Lievesque, Robbie Wark, en Ashley Thorn.

Episode 4 – Hannes Grobler (Deel 2 van 2)

Ons gesels verder met Hannes Grobler – 10-malige Nasionale Kampioen en een van Suid-Afrika se grootste motorsport legends. In hierdie episode deel Hannes nog meer van sy ervaringe in die rally-raid wêreld: Die groot teleurstelling om nie in ’n Nissan bakkie aan Dakar te kon deelneem nie, maar die troos om wel in die Nissan-ondersteuningstrok te kon jaag. Die onvergeetlike avonture tydens daardie Dakar, en hoe hy benoem is vir die gesogte “Spirit of the Dakar” toekenning. Die intense kompetisie tussen Nissan en Toyota, en die wenstrategieë wat hy in rally-raids toegepas het. Die spesiale kameraderie onder kompetiteerders en herinneringe aan die legendariese Roof of Afrika en Woestyn-wedrenne. Sy sagte plek vir die private “kruideniersgeld”-deelnemers en die belangrikheid van vervaardigers se betrokkenheid by streeks-wedrenne. Die lang, spesiale verhouding met Nissan en wat dit geverg het om so ’n vennootskap vol te hou. Ligte en humoristiese oomblikke in die kajuit saam met Francois Jordaan. Name wat in Episode 4 genoem word (in volgorde van eerste verwysing): Glyn Hall, Giniel de Villiers, Kenjiro Shinozuka, Ari Vatanen, Francois Jordaan, Apie Reyneke, Kassie Coetzee, Sarel van der Merwe, Buks Carolin, Klaus Degener, Blasie Franken, Tony Pond en Richard Leeke.

Episode 3 - Hannes Grobler (Deel 1 van 2)

In hierdie episode gesels ons met Hannes Grobler – 10-malige Nasionale Kampioen en een van Suid-Afrika se grootste motorsport legends. Hannes vertel openhartig oor: Sy grootwordjare in Rustenburg, waar rugby sy eerste liefde was, totdat ’n besering hom na die motorsportwêreld gedryf het. Die legendariese jakkalsjag in plakkies en ’n T-hemp met ’n gewone straatmotor – die wedren wat die ouens se oë laat rek het en sy loopbaan afgeskop het. Sy dekades lange, lojale verhouding met Nissan Suid-Afrika. Die ontwikkeling van die ikoniese Nissan Hardbody saam met Glyn Hall, en die begin van ’n goue era vir die span. Hoe hy vir Grégoire de Mévius en Stéphane Peterhansel vir ’n “spin” gevat het – en só twee bakkies aan Nissan Europa help verkoop het. Die begin van sy vriendskap met Giniel de Villiers. Die groot Dakar-teleurstelling, en hoe hy uiteindelik in ’n trok aan die Dakar deelgeneem het. Name wat in die episode voorkom: Gawie Visagie, At Kriel, Joggie Klein, Roelf Fikner, Piet Swanepoel, Glyn Hall, Chris de Witt, Pieter de Waal, Sarel van der Merwe, Jan Habig, Nico de Waal, Blasie Franken, Grégoire de Mévius, Stéphane Peterhansel, Giniel de Villiers, Francois Jordaan en Kenjiro Shinozuka.

Episode 2 - Buks Carolin (Deel 2 van 2)

In hierdie episode van Die Rally-Raid Dagboek gesels ons verder met die sesmalige Nasionale Kampioen en een van die legendes van rally-raid in Suid-Afrika, Buks Carolin. Hy deel onder meer: Die “oorlog” tussen die spesiale voertuie en die fabriekspanne. Die uitdagings van navigasie in die era voor GPS. Sy gunsteling wedrenne en die “Groot Een” wat hy nooit kon wen nie. Sy oorgang as navigator en die belofte aan sy goeie vriend, die wyle Abdul Variawa. Sy ervaring as navigator vir Neil Woolridge tydens die 1998 Paris-Granada-Dakar. Sy indrukke van vandag se voertuie en bestuurders. ’n Interessante storie van ’n motor wat hy wou verkoop... maar toe eerder gaan jaag het (en amper die wegspring misgeloop het ná ’n laat aand se kuier!)

Episode 1 - Buks Carolin (Deel 1 van 2)

In hierdie episode van Die Rally-Raid Dagboek gesels ons met Buks (Bruce) Carolin, 6-malige nasionale kampioen en een van die legendes van rally-raid in Suid-Afrika. Begin sy loopbaan in 1983 as navigator saam met Kenny Skjoldhammer. 3 Nasionale kampioenskappe as bestuurder (1989, 1990, 1991). 3 Nasionale kampioenskappe as navigator (1994, 2000, 2004). Wedren oorwinnings in beide enkel sitplek en dubbel sitplek voertuie. In 1998 deelgeneem aan die Parys-Granada-Dakar Rally as navigator vir Neil Woolridge in ‘n Mitsubishi Pajero.

Voorskou - Die Rally-Raid Dagboek

Welkom by Die Rally-Raid Dagboek – ’n weeklikse potgooi oor rally-raid in Suid-Afrika en die res van die wêreld. Aangebied deur Izaac Beytell en Stompie Mynhardt, twee passievolle aanhangers van hierdie besonderse sport. Izaac is ’n aktuaris en deeltydse joernalis, en Stompie ’n boer en ervare renjaer en navigator. Saam bring ons elke week nuwe en interessante stories en gebeure uit die rally-raid wêreld – van stof, adrenalien en eerstehandse wedren-ervarings tot die mense wat die sport werklik besonders maak. Geskiedenis, avontuur en rou passie. As rally-raid in jou bloed is, is hierdie jou nuwe gunsteling potgooi!