Bəzən kitablar uzun-uzun danışmaq istədiyimiz hər şeyi bir cümlə ilə ifadə edə bilir, bəzən də biz bir cümlə belə qura bilməzkən kitabların köməyi ilə özümüzü ifadə edə bilirik. Bu podcastda altından xətt çəkdiyim cümlələrə psixoloji aspektdən baxmağa çalışacam. Çünki çox vaxt psixologiyanın deməyə çalışdığı çox şeyi kitablarda görə bilirik. Mən bu ikili arasında əlimdən gəldiyi qədəri ilə əlaqə quracam.
"Yaşaya bilmədiyimiz həyatların yasını tutmaq asandır. Başqa bacarıqlarımızı inkişaf etdirməyi, bəzi təklifləri qəbul etməyi arzulamaq asandır. Peşman olmaq və sonsuzadək peşmanlıq hiss etmək də asandır. Amma əsas problem yaşaya bilmədiyimiz üçün peşman olduğumuz həyatlarda deyil. Problem peşmanlığın özündədir. Bizi sıxıb kiçildən, solğunlaşdıran, özümüzün və bütün insanlığın düşməni olduğumuzu hiss etdirən məhz peşmanlığın özüdür." ~ Matt Haig, Gecəyarısı Kitabxanası
“Bir dəfə bir terapevt mənə demişdi ki: "Əgər günahkarlıq və inciklik arasında seçim etmək lazım gələrsə, hər dəfə günahkarlığı seçin." O vaxtdan bəri bu cümlə bir çoxlarına ötürdüyüm hikmətdir. Əgər bir şeyi rədd etmək, imtina etmək sizi günahkar hiss etdirir, razı olmaq isə içinizdə inciklik hissi yaradırsa, günahkarlığı seçin. İnciklik ruhun intiharıdır.” ~ Bədən “yox” deyəndə, Gabor Mate
“Bəs siz gəncləri necə böyüdürsüz? Bir heç olaraq. Analar daima ev işləri, mətbəx təmizliyi ilə məşğul olduğu halda, atalar dövlət qulluğu, ticarət və digər işlərlə məşğul olur, axşamlar isə çayxana və qumarxanalarda oturub kart oynayırlar. Heç vaxt uşaqlarla oynamırlar. Onlara vaxtları yoxdur. Üstəlik, onların nəzərində uşaqlara qulluq etmək işgəncədən başqa bir şey deyil.” ～ "Ağ Zanbaqlar Ölkəsi", Grigori Petrov
