x........x

ମହାନଗରୀର ଏକ ଅପେକ୍ଷାକୃତ ଜନବିରଳ ପ୍ରାନ୍ତରେ ମେରିଲିନ୍‌ଙ୍କ ଆନୁକୂଲ୍ୟରେ ଏକ ଛୋଟ ବସା ଭଡ଼ାନେଇ ସ୍ଥାନାନ୍ତରିତ ହେଲେ ଶର୍ମା ୤

ମାର୍କିନ୍ ଯୁକ୍ତରାଷ୍ଟ୍ରର ମେଡ଼ିକାଲ୍ ଆସୋସିଏସନ୍ ଏକମାସ ସକାଶେ ତାଙ୍କ ଆବୁକୁ ବୁକ୍ କଲେ - ଏକକ ପ୍ରଦର୍ଶନୀ ପାଇଁ । ଆସୋସିଏସନ୍ କୋଠାର ଏକ କୋଠରି ଭିତରେ ପ୍ରତ୍ୟହ ଚାରିଘଣ୍ଟା ସମୟ ଆସି ରହିବାକୁ ହୁଏ ।

“ଆପଣ ହିଁ ତେବେ ହାର୍ଡଷ୍ଟୋନ୍‌’ସ ଆବୁର ସ୍ଵତ୍ବାଧିକାରୀ?”

-ଜଣେ ଆବୁ ବିଶେଷଜ୍ଞ ପ୍ରଥମ ଦିନ ତାଙ୍କ ସହ କରମର୍ଦ୍ଦନ କରି ପ୍ରଶ୍ନ କରିଥିଲେ ।

“ଆପଣ ଭୁଲ କହୁଛନ୍ତି । ମୋ ଆବୁ ମୋର ଏକାନ୍ତ ନିଜସ୍ବ!”- ଶର୍ମା ଅନୁଯୋଗଭରା କଣ୍ଠରେ କହିଥିଲେ ।

ହସିଥିଲେ ବିଶେଷେଜ୍ଞ :

“ଓ8, ଆପଣ ଜାଣନ୍ତି ନାହିଁ ପରା । ବିଜ୍ଞାନଜଗତରେ ଆପଣଙ୍କ ଆବୁର ନାମ ‘ଡାକ୍ତର ହାର୍ଡଷ୍ଟେନ୍‌’ସ’ ଆବୁ । ଯେମିତି ହାଲିଙ୍କ ଆବିଷ୍କୃତ କମେଟ୍‌ର ନାମ ‘ହାଲି’ସ୍ କମେଟ, ସେମିତି ହାର୍ଡଷ୍ଟୋନ୍‌ଙ୍କ ଆବିଷ୍କୃତ ଆବୁ ହେଲା ‘ହାର୍ଡସ ଆବୁ’ ।”

x..........x

-“ଆବୁ ପୁରୁଷ”(୫)- ଶ୍ରୀ ମନୋଜ ଦାସ