خديجة عبد النبي هي مؤسسة استوديو تصميم مختص بالهوية البصرية والثقافية، ومصممة عراقية مولودة وتربّت بنيويورك. بهالحلقة من تجارب، يحاورها يوسف جعفر عن رحلتها من دراسة الفنون الجميلة وتاريخ الشرق الأوسط بأمريكا، إلى قرار الانتقال لأربيل قبل حوالي 13 سنة، وبعدين إلى بغداد اللي تعتبرها اليوم مركز الإبداع الحقيقي بالمنطقة. نحجي وياها عن البدايات، أول العملاء، وأصعب المراحل الي مرت بيها بالعمل، وشلون بنت استوديو يشتغل مو بس لوغوات واعمال تجارية، لكن مشاريع ثقافية وهوويات لمتاحف، مراكز ثقافية، ومبادرات حكومية بالمنطقة العربية.

نستكشف ليش التصميم الثقافي مو مجرد ألوان ورموز جاهزة، وليش مو لازم كل شي يكون لاماسو وبابل، ونسمع من خديجة شلون تستخرج لغة بصرية أصيلة من التراث العراقي – من الخط، للملصقات الشعبية، ليافطات الشارع، وحتى علب المنتجات القديمة – وتحوّلها لهوية معاصرة مفهومة للناس اليوم. نغطي رؤيتها لبغداد كمدينة طاقتها تشبه نيويورك، وليش تعتبر و ...