អំពីសិល្បករ

ប៉ោយ ឈុនលី គឺជាសិល្បករដែលបានបញ្ចប់ការសិក្សា៤ឆ្នាំនៅសាលាសិល្បៈ ហ្វារពន្លឺសិល្បៈក្នុងខេត្តបាត់ដំបងក្នុងឆ្នាំ២០០៦ និង បានបញ្ចប់ជំនាញភាយន្តគំនូរជីវចលនៅសាលា Ecole Pivaut ប្រទេសបារាំងនៅឆ្នាំ២០១១។។ ស្នាដៃរបស់គាត់មានចម្រុះដូចជា គំនូរ ចម្លាក់ ភាពយន្តខ្លី គំនូរជីវចល រចនាតួអង្គ និងនិពន្ធរឿង។ ក្នុងឆ្នាំ២០១៦ ឈុនលីបានដឹកនាំបង្កើត និងគ្របគ្រងស្ទូឌីយោគំនូរជីវចលដំបូងបំផុតនៅប្រទេសកម្ពុជាមានឈ្មោះថា «ស្ទូឌីយោដៃ១០០០» ក្រោយមកក៏ប្តូរឈ្មោះទៅជា Phare Creative Studio នៅអង្គការសាលាហ្វារពន្លឺសិល្បៈ។ ស្នាដៃគំនូរជីវចលរបស់គាត់មានចំណងជើងថា “ Revive” ទទួលបានពានរង្វាន់លេខ១ក្នុងមហោស្រព CamboFest Film Festival និងបានចាក់បញ្ចាំងជាច្រើនដងនៅទីក្រុងបារីស ប្រទេសបារាំង, ទីក្រុងឡុងបិច និង កាលីហ្វាញ៉ា នៅសហរដ្ឋអាមេរិក, ទីក្រុងវៀងចន្ទ៍ប្រទេសឡាវ និង ទីក្រុងភ្នំពេញប្រទេសកម្ពុជា។ ស្នាដៃគំនូរនិងចម្លាក់របស់គាត់ដាក់តាំងពិព័រណ៍នៅតាមវិចិត្រសាលនៃប្រទេសកម្ពុជា បារាំង និង ចិនផងដែរ។ សព ...