Allt um ættleiðingar

Allt um ættleiðingar

por Selma Hafsteinsdottir
PaternidadDocumentales
Temporada 1

Laila Björnsdóttir - Ættleiddi son sinn frá Togo

Laila ættleiddi strákinn sinn frá Togo - hún segir frá sinni vegferð að eignast draumabarnið sitt en sú vegferð hefur verið ansi átakanleg. En hún segir frá því hræðilega áfalli þegar hún missti dóttur sína, komin 40 vikur á leið og þurfti að fæða andvana barn. Hún segir frá ferðalaginu til Togo og frá yndislega stráknum sem hún eignaðist og öllum tilfinninga rússíbananum sem fylgir ættleiðingarferlinu. Laila er eigandi verslunarinnar Nielzen á Bankastræti í Reykjavík. Hún er kraftmikil steingeit sem elskar stjörnuspár, hún er opin bók, lífsglöð og ótrúlega skemmtileg!
T1 · E10
12 mar 2023
1:55:50

Brynja Dan Gunanrsdóttir - Segir frá sínu lífi - leitin að upprunanum

Brynja Dan segir frá sinni sögu, leitina að upprunanum, eftirmála leitarinnar, pólitíkina, loppulífið, móðurhlutverkið og margt fleira! Hún hefur gengið í gegnum mikla erfiðleika á stuttri ævi en viðhorf hennar til lífsins er einstakt og notar hún tækifærin sín og platform til góðs. Hún brennur fyrir velferð barna og hefur það frá móður sinni sem deildi sömu ástríðu. Brynja er algert ofurkvendi, ruggar bátum og er til staðar fyrir fólk og ávallt tilbúin að hjálpa öðrum!
T1 · E9
3 mar 2023
59:40

Heiða Þorleifsdóttir - Segir frá ættleiðingarferlinu í Kína - ættleiðingarþunglyndi - PMTO tengslamiðuð foreldrafærni

Heiða Þorleifsdóttir ættleiddi dóttur sína frá Kína þegar hún var 18 mánaða gömul, fyrir átti hún dóttur sem kom með í ferðalagið mikla sem var þá 7 ára. Hún segir frá ferðalaginu til Kína og hvernig ættleiðingin fór fram þar í landi, hún segir frá áskorunum og tengslamynduninni og lífinu eftir ættleiðinguna. Hún segir okkur frá ættleiðingarþunglyndi og ritgerð sem hún gerði um það málefni árið 2013 og niðurstöður hennar. Heiða er PMTO ráðgjafi og við ræðum þessa nálgun í uppeldinu og hvernig hún virkar, en PMTO er tengslamiðuð nálgun. Heiða er Félagsráðgjafi og leikskólakennari og hún vinnur núna sem málastjóri samþættingar hjá Reykjavíkurborg.
T1 · E8
27 feb 2023
1:56:25

Ragnheiður Helgadóttir - segir frá sinni sögu og hennar vegferð að verða móðir

Ragnheiður er ættleidd frá Sri Lanka. Hún segir frá sinni sögu hvernig fjölskyldan sameinaðist. Hún talar um æskuna sína og lífið. Hún hefur heldur betur þurft að ganga í gegnum dimma dali til þess að verða móðir sjálf en hún talar um ófrjósemina og hennar vegferð að verða móðir. Ragnheiður er ótrúlega einlæg og smitar út frá sér jákvæðni og björtu hugarfari.
T1 · E7
20 feb 2023
59:53

Ásta Bjarney Elíasdóttir - segir frá sínum sögum

Ásta Bjarney hefur farið tvisvar sinnum til Tékklands að ætlteiða börnin sín tvö. Hún segir frá sínum ferðalögum. Hún er fyrsta einhleypa konan sem fékk leyfi til að ættleiða frá Tékklandi. Hún segir frá í mikilli einlægni frá sínum ferðalögum að sækja drauma börnin sín sem voru orðin nokkuð vel stálpuð þegar þau voru pöruð saman. Strákurinn var á barnaheimili í Most og var 5 ára gamall. Nokkrum árum seinna fóru þau mæðginin saman til Tékklands að sækja stelpuna sem var þá um 6 ára gömul.
T1 · E6
20 feb 2023
1:33:00

Elísabet Hrund Salvarsdóttir - Framkvæmdarstjóri Íslenskrar ættleiðingar - segir frá starfsemi félagsins

Elísabet segir okkur frá heitustu fréttum í ættleiðingarheiminum í dag. Hún svarar algengum spurningum sem við foreldrar fáum oft að heyra m.a: Afhverju eru nóg af börnum en lítið um ættleiðingar á þeim? Afhverju eru bara þrjú lönd í boði fyrir okkur á íslandi til að sækja um að ættleiða barn? Hún segir okkur frá sögu og þróun félagsins. Félagið er svo miklu meira en "bara" að hjálpa foreldrum að eignast draumabarnið sitt. Það er svo miklu miklu meira þarna á bak við sem gaman er að fræðast um og heyra.
T1 · E5
11 feb 2023
48:59

Elísabet Hrund Salvarsdóttir - Framkvæmdarstjóri Íslenskrar ættleiðingar segir frá hennar sögu

Elísabet segir frá sinni sögu og þeirra vegferð að eignast börn! Þau hjónin hafa farið tvisvar í gegnum ættleiðingarferlið og eiga tvö yndisleg börn. Þau fengu son sinn í hendurnar þegar hann var eins árs en stúlkuna fengu þau nokkrum árum seinna þegar hún var rúmlega þriggja ára. Hún segir frá í einlægni hvernig það er að ganga í gegnum ófrjósemi og ættleiðingar, áskoranir í foreldrahlutverkinu og tölum um það sem er erfitt að ræða og heyra. Lífið eftir ættleiðingar er svo sannarlega ekki dans á rósum og hvað þá fyrir yndislegu börnin sem hafa því miður þurft að ganga í gegnum allskonar erfiðleika á sinni stuttu ævi áður en þau eignast fjölskyldu. Það er mikill heiður að fá þessa kjarnakonu í spjall, hún sinnir mjög mikilvægu starfi sem framkvæmdarstjóri Íslenskrar ættleiðingar og hún brennur fyrir betrumbætingu í ættleiðingarheiminum!
T1 · E4
11 feb 2023
1:32:49

Rut Sigurðardóttir - Félagsráðgjafi og fjölskyldufræðingur hjá íslenskri ættleiðingu

Rut vinnur mjög mikilvægt starf hjá Íslenskri ættleiðingu. Hún sér um fræðslur, námskeið og fyrirlestra ásamt því að halda vel utan um foreldra sem eru í ættleiðingarferlinu bæði fyrir og eftir að barnið er komið heim. Hún segir okkur frá þjónustunni sem er í boði hjá íslenskri ættleiðingu í dag og hefur ansi mikið breyst til hins betra á örfáum árum! Rut er viskubrunnur um tengsl og aðstæður barnanna á barnaheimilum og við tölum m.a. um áföllin og afleiðingarnar sem börnin þurfa að kljást við. Rut brennur fyrir málefni ættleiddra og tekur svo sannarlega þátt í því að betrumbæta heiminn með starfi sínu, ástríðu og hjarta!
T1 · E3
11 feb 2023
1:20:43

Við erum komin heim! Nú byrjar lífið.

Loksins komin heim til Íslands með draumabarnið. Nú tekur raunveruleikinn við. Janúar, fæðingarorlof, ættleiðingarþunglyndi, allskonar áskoranir og við erum öll að læra á ný hlutverk! Barnið að læra að eiga foreldra og við að læra á foreldrahlutverkið.
T1 · E2
6 feb 2023
39:01

Pilot - Sagan mín

Í þessum fyrsta þætti langar mér að segja frá sögu okkar hjóna og leiðina okkar að því að eignast barn. Ég tala um allt ferlið, ófrjósemina, að sækja um ættleiðingu, biðina, símtalið, sameininguna úti í Tékklandi og allan tilfinninga rússíbanann! ........ Ef þú vilt kynna þér ættleiðingar þá er tilvalið að kíkja á heimasíðu Íslenskrar ættleiðingar www.isadopt.is ........ Lag þáttarins er eftir Árna Zdenek
6 feb 2023
1:17:31
3 de 3