歡迎嚟到新一集「環保Lover會客室」！我哋今日請到呢位嘉賓話自細受從事中醫嘅爸爸啟發，加上睇BBC紀錄片，令佢萌生對自然的興趣，所以讀大學嗰陣主修生物，碩士讀樹，博士就讀地理。佢做過好多研究，例如好似氣候變化、生物多樣性、空氣污染等等，去過南極考察，最近仲研究蠔添，無神神點解要研究蠔呢？不如一齊聽下今集嘉賓香港大自然保護協會（TNC） 氣候變化研究員梁沛健博士（Felix Leung）分享啦！

❓點解Felix鍾意自然會同做中醫嘅爸爸有關？

❓到底去流浮山同下白泥保育蠔礁有咩用？

❓你知唔知后海灣流浮山嗰帶有超過700年嘅養蠔歷史，蠔養殖技藝仲係非物質文化遺產？而金蠔就係流浮山出產？

❓點解啲蠔可以保護到海岸線，減少經濟損失？

❓想接觸大自然又想做義工，到底有咩好選擇？

❓到底基於自然嘅解決方案係咩嚟？對香港有咩好處？

❓喺北部都會區植樹除咗對環境好，點解附近居民要支持呢？

❓原來氣候變化會更容易影響低下階層？

🦪如果有興趣，可以喺2024年7月31日之前去香港海事博物館睇下《細說蠔情：香港蠔文化與蠔礁修復展覽》，或者去睇下《釋放大自然於氣候行動中的潛能－香港基於自然的解決方案報告》：https://civic-exchange.org/report/unlocking-the-potential-of-nature-in-climate-action-a-re ...