Note sull'episodio

I episode 25 snakkar vi om ein av pionerane og kanskje DET viktigaste bandet innan doom metal, nemleg Candlemass. Med primus motor Leif Edling som einaste konstante medlem (iallfall i studio) og 13 studioalbum fordelt på 5 vokalistar (eller 6, om du reknar med EPar), er vel diskografien ei salig blanding av hummer og kanari. Eller? Er det eigentleg det? Er Edling-DNAet i musikken nok til at alle 13 skivene held mål, eller finst det kalkunar her òg? Levèn, Vikström, Lowe, Längquist eller Bror Jan? Er det vibrato(r)en eller The doom dance til Marcolin som står seg best i dag? Kva er Kåre sitt nye favorittband? Kor mykje av kaffetraktinga til Bjarte blør inn i mikrofonane? Kva i alle dagar syng Blaze Bayley-kopien i denne episoda, og kva plater kjem seg i sluttspurten på pallplassen?