x.....x

ହଠାତ୍‌ ଶର୍ମାଙ୍କ ମୁହଁ ଉଜ୍ଜ୍ବଳ ହୋଇ ଉଠିଲା ୤ ସେ କହିଲେ:

“ଗତଥର ଆବୁ ଯୋଗୁଁ ଭୋଟ୍ ପାଇଥିଲି - ଏଥର ଆବୁର ଏଇ ଅଲୌକିକ ତିରୋଭାବ ଯୋଗୁଁ ଭୋଟ୍ ପାଇବି । ବିଶ୍ଵର ବୃହତ୍ତମ ଆବୁ ଉପୁଜାଇଥିବା ଯୋଗୁଁ ଯିଏ କରିତ୍‌କର୍ମାରୂପେ ପରିଚିତ ହୋଇଥିଲା, ରାତାରାତି ଆବୁକୁ ଉଭାନ କରିପାରିବା ଯୋଗୁଁ ସେ କରିତ୍‌କର୍ମା ନ ହେବ କାହିଁକି ?”

“କିନ୍ତୁ ଆବୁ ଉଭେଇଯାଉଛି ଗୁରୁଙ୍କ ଆଶୀର୍ବାଦରୁ !” ବୋଉ ମନେପକାଇଦେଲେ ।

“ଅନ୍ତତଃ ଗୁରୁଙ୍କ ଆଶୀର୍ବାଦ କିମିତି ମୋ ଉପରେ କାର୍ଯ୍ୟ କରୁଛି, ସେତକ ଦେଖି ଲୋକେ ଚମତ୍କୃତ ହେବେ ନିଶ୍ଚୟ !” ଶର୍ମା ଆନନ୍ଦରେ କହିଲେ ।

“ବାପା ! ପୁଣି ସେ ଭୁଲ କରନା । ଗୁରୁଙ୍କ ଆଶୀର୍ବାଦ ତୋତେ ଆବୁମୁକ୍ତ କରିବା ପାଇଁ । ସେ ଆବୁମୁକ୍ତି ବ୍ୟାପାରକୁ ଜାହିରି କରି, ବିକ୍ରି କରି ସେଥି ଲାଭ ଉଠାଇବା ପାଇଁ ତାହା ଉଦ୍ଦିଷ୍ଟ ନୁହେଁ । ତୋର ଏଇ ଆବୁମୁକ୍ତି ଭିତରେ ମୁଁ ସ୍ଵପ୍ନ ଦେଖୁଛି ସାରା ଜଗତ ହୁଏତ ଦିନେ ଆବୁତାନ୍ତ୍ରିକ ରାଜନୀତି ତଥା ଆବୃତାନ୍ତ୍ରିକ ବ୍ୟବସାୟ କବଳରୁ ମୁକ୍ତ ହେବ । ମୋତେ ଏଇ ସ୍ଵପ୍ନ ଦେଖିବାକୁ ଦେ ବାପା ୤ ”

x.....x

-“ଆବୁ ପୁରୁଷ”(୧୦)- ଶ୍ରୀ ମନୋଜ ଦାସ ...