O fenómeno do bandido na nosa comunidade non se pode enmarcar dentro dunha época concreta, aínda que son os séculos XVIII e XIX os que nos achegan máis información acerca destes delincuentes. Neses anos, os foraxidos de renome deixaron unha enorme pegada entre a poboación, servindo de fonte de inspiración a poetas, escritores e todo tipo de artistas, e é precisamente a finais do século XIX cando nos atopamos con Emilio Ferreiro, máis coñecido polo alcume de Riquichín, un veciño de Puga que tivo “un curioso enfrontamento co clero», mantivo en vilo ás forzas de seguridade e foi protagonista de innumerables crónicas da prensa nacional.