Mill-Maħżen tal-Armar - F' Għeluq it-30 sena mit-twaqqif tal-Għaqda | Podcast in RSS.com

Mill-Maħżen tal-Armar - F' Għeluq it-30 sena mit-twaqqif tal-Għaqda

Mill-Maħżen tal-Armar - F' Għeluq it-30 sena mit-twaqqif tal-Għaqda

di Kummissjoni Festa Esterna Fgura

Documentari Religione

Stagione 1

Mill-Maħżen tal-Armar - L-Ewwel Episodju : Mill-Passat

Mill-Maħżen tal-Armar Bi pjaċir nippreżentawlkom l-ewwel filmat bl-intervisti mill-Media Team tal-Għaqda tagħna.. Niltaqgħu mal-fundatur tal-Kummissjoni Festa Esterna Alfred Monreal kif ukoll mal-President Onorarju Jason Lombardo.

Mill-Maħzen tal-Armar - It-Tieni Episodju : Il-Bidu tal-Proġetti tal-Armar

Tkompli s-sensiela Mill-Maħżen tal-Armar fejn din id-darba niltaqgħu mal-membru Onorarju Mark Camilleri kif ukoll ma’ Anthony Mangion, wieħed mill-ħames membri li għixu t-twaqqif tal-Kummissjoni fl-1993.

Mill-Maħżen tal-Armar - It-Tielet Episodju : Il-Progess fl-Armar matul is-snin

Lulju magħna u għalhekk kulma jmur il-konċentrazzjoni tagħna qiegħda tkun iffukata fuq il-ħidma u l-preparazzjoni għal din il-festa. Naturalment, il-lenti tagħna tibqa' dejjem fuq il-ħidma fl-armar. F’dan it-tielet episodju tas-sensiela 'Mill-Maħżen tal-Armar' se niltaqgħu ma' Anton Tanti, eks direttur tal-armar u ma' Emanuel Spiteri li huwa d-direttur preżenti tal-armar. Flimkien magħhom se nagħtu ħarsa lejn il-progress li sar matul is-snin fl-armar u fil-ħidma li għaddejja għall-festa ta' dis-sena

Mill-Maħżen tal-Armar - Ir-Raba' Episodju : Il-Wirja tal-Ġimgħa Mqaddsa u l-bidu tagħha

Is-sensiela ta' intervisti fl-okkażjoni tat-30 anniversrju tal-Kummissjoni Festa Esterna tkompli bit-tema tal-Ġimgħa Mqaddsa. Illum niltaqgħu ma' Ryan Bezzina li huwa wieħed mill-esebituri prinċipali tal-wirja 'Jerfa' Dunbietna' kif ukoll ma' Keziah Ellul eks Segretarju u l-ewwel esebitur tagħha fl-1999. Nistednukom issegwu dawn l-intervisti u taraw l-iżvilupp tal-wirja tagħna mill-bidu tagħha sal-ġurnata tal-lum.

Mill-Maħżen tal-Armar - Il-Ħames Episodju - Is-Sezzjoni Żgħażagħ

Mill-Maħżen tal-Armar - Is-Sezzjoni Żgħażagħ Iż-żgħażagħ kienu minn dejjem importanti fil-maħżen tal-armar. Il-fergħa taż-żgħażagħ taf il-bidu tagħha fl-2007 permezz tas-'Sotto Kummissjoni Helpers' u kompliet tissaħħaħ meta fl-2012 evolviet u ngħatat l-isem xieraq ta' 'Sezzjoni Żgħażagħ.' F'din l-intervista niltaqgħu ma' Edward Mifsud li mexxa dawn il-fergħat fil-bidu tagħhom, mal-eks kaxxier Mathias Muscat u mal-koordinatur attwali Jurgen Zerafa.

Mill-Maħżen tal-Armar - Is-Sitt Episodju : Il-Maħżen

Il-Maħżen tal-Armar fi Triq il-Karmelitani dejjem kien il-post li minnu tiġi amministrata l-ħidma kollha mwettqa mill-Kummissjoni Festa Esterna. Matul is-snin dan ġie rinnovat kemm-il darba biex illum narawh bħala sede mill-isbaħ li taqdi bl-aħjar mod il-bżonnijiet tal-membri kollha. F’din is-sitt intervista niltaqgħu ma’ Dylan Seychell u Daniel Gauci li fil-kariga tagħhom dejjem kienu impenjati biex jieħdu ħsieb il-manutenzjoni u ż-żamma tal-post. Il-ħeġġa u l-inizjattiva tagħhom kienu kruċjali biex saru l-bidliet li qegħdin ingawdu llum.

Mill-Maħżen tal-Armar - Is-Seba' Episodju : Kummissjoni Festa Esterna

Il-proġett tal-intervisti fl-okkażjoni tat-30 anniversarju tal-Għaqda tagħna jiġi fi tmiemu b'din l-aħħar intervista mal-President u s-Segretarju. L-uffiċjali amministrattivi tal-Kummissjoni Festa Esterna jitkellmu fuq l-aspetti storiċi, il-ħidma globali u l-formazzjoni ħolistika li l-maħżen tal-armar dejjem offra lill-membri sa mit-twaqqif tiegħu fl-1993. Inħeġġukom issegwuha!