🐦 雀仔原來係氣候危機嘅指標？

歡迎嚟到新一集「環保Lover會客室」！我哋今日請到呢位嘉賓個花名叫做「環保村」，到底佢平時會做啲乜嘢，先俾朋友噉樣叫呢？佢其中一個興趣竟然同超英哥一樣係睇雀仔，到底雀仔對環境點解咁重要，而氣候變化又點樣影響佢哋呢？一齊聽下今集嘉賓香港觀鳥會副總監胡明川，喺南生圍同大家分享佢點樣由睇蝴蝶轉到睇雀仔，仲點樣同漁民合作，實現保育同經濟雙贏！

今集可以學到啲咩？

🌏氣候變化嘅影響：氣候變化同極端天氣點樣影響香港嘅農民同漁民，甚至威脅雀仔嘅生存環境？

🌳基於自然嘅解決方案：濕地點解對防止水浸同生物多樣性咁重要？原來亂種紅樹林會有大問題？ 入侵物種又點樣威脅本地生態系統？

💪全民參與：點解保育嗰陣同本地社區合作咁重要？鳥會又點樣同佢哋溝通合作？

🔮2050年願景：阿川點睇2050年嘅未來？點樣將可持續發展融入生活每個範疇！ ？

🐦精彩金句

•「要（令本地社區去去明白點解要去保育嘅目的）係合作最關鍵但亦都係最難嘅因素。」

•「城市人會覺得（氣候變化）頂多令到我返唔到學或者返唔到工，但係漁民同農民係可以話返俾你聽好多故事，其實佢哋觀察到天氣係有咩變化，點樣影響緊自己生活同生計。」

• 「雀仔係一班好誠實嘅動物，起碼要有個好地方休息同埋要食夠嘢…所以雀仔去選擇去邊其實都話俾我哋聽，個地方生態環境或者個環境嘅健康情況係點樣，所以其實雀仔都係一個地方係咪宜居嘅指標。」

•「（希望環保）唔係剩係環境局或者漁護署做，所有人都可以擁抱、擁有到呢件事，就算個環境有好多掣肘限制，我都希望大家都可以將自己做到嘅嘢盡量去做。」

💚仲有好多精彩內容，記住留意本集內容啦！ 🌱

✨ 立即訂閱，加入我哋一齊令諗下點樣令環境更好更可持續 🎉

🎧以下觀 ...