Enti Essout انت الصوت
Temporada 1
نقطة نظام - Stop making stupid people famous!
Topics: #Salla7_elService صلّح السرفيس !
por Mehdy Khmili
محلاكم و مرحبا بيكم مرة آخرى في انت الصوت، و الصوت اليوم يحب يحكي على نقطة نضام، و نقطة النضام تسأل علاش اليوم في بلادنا و في العالم، الشهرة اصبحت حلم الناس الكل، من اللي صغآر لين يكبرو، و علاش الناس مستعدّة تقدّم اي محتوى مهما كان تافه و فارغ و رديء في بعض الاحيان، و يولّي المشهد العام، الثقافي و الاعلامي و السياسي يخرّجلنا في مشاهير و ناس ماعندهم حتى انجاز في حياتهم غير إنهم عملو محتوى جاب مشاهدات بالآلاف؟ الي هو ياإمّا عركة فلانة و فلانة عريانة و فلان غبي و آخر كي تتفرج في اللي يعمل فيه مآ تلقى شي، و السؤال هنا شكون اللي المسؤول، هل هو المستهلك اللي هو احنا ،و ذوقنا زبالة وهذا يفسر علاش نستهلكو في التفاهة و الردائة والاّ الاعلام آللي ماعادش يهمّو في الذوق العام للمجتمع و مستعدين يسربيو اي حاجة المهم نسب المشاهدة تطلع؟ باش نجاوبو على الاسئلة هاذم الكل و هات نبداو بالنقطة بالنقطة،
صلّح السرفيس، هي فكرة باش نخلقو نقاش و نقد للخدمات اللي موجودين في تونس في القطاع الخاص و القطاع العام و رسالة للناس الكل باش تعرف اللي اليوم الشباب في البلاد هذه ماعادش ينجم يقبل النوع هذا من المشاكل اللي يخليه يوخر في بلاصة ما يقدّم
في الحلقة لولة نفهمو مع بعضنا علاش قررت نعمل بودكاست : منين جات الفكرة و شنوّة الهدف ؟ ما تنساش باش تخلي رايك و تشاركنا افكارك